We are committed to reporting the facts and in all situations avoid the use of emotive terms.

بریکنگ نیوز
english logo

امریکہ، میامی میں زیر تعمیر پل گر گیا، چار افراد ہلاک

امریکہ، میامی میں زیر تعمیر پل گر گیا، چار افراد ہلاک

واشنگٹن(یو این این ) امریکی ریاست فلوریڈا کے شہر میامی میں پیدل سڑک عبور کرنے کے لیے نصب کیا گیا زیر تعمیر پل گر گیا ہے اور اس واقعے میں کم سے کم چار افراد ہلاک ہوئے ہیں اور دس سے زیادہ زخمی ہیں۔یہ پل میامی میں فلوریڈا انٹرنیشنل یونیورسٹی میں نصب کیا گیا تھا جس کا مقصد یونیورسٹی کو ہاسٹل سے ملانا تھا۔سوشل میڈیا پر وائرل ہونے والی تصاویر میں پل کے ڈھانچے کو سڑک پر پڑا ہوا دیکھا جا سکتا ہے۔میامی میں ہنگامی حالات سے نمٹنے کے ادارے کے انچارج نے کم سے کم چار افراد کی ہلاکت کی تصدیق کی ہے۔فلوریڈا ہائی وے پیٹرولنگ پولیس کا کہنا ہے کہ ملبے کے نیچے دبنے والی آٹھ گاڑیوں میں موجود افراد کی تعداد معلوم نہیں ہو سکی ہے۔امدادی کارکن ملبے کے نیچے دبے افراد کو نکالنے کو کوشش کر رہے ہیں۔امدادی کارکنوں کا کہنا ہے کہ اب تک کم سے کم دس خمیوں کو ہسپتال منتقل کیا گیا ہے جبکہ دو افراد کو ملبے کے نیچے سے نکالا گیا ہے اور ان کی حالت تشویشناک ہے۔امریکی سینیٹر بل نیلسن نے مقامی ذرائع ابلاغ کو بتایا کہ اس واقعے میں چھ سے دس افراد ہلاک ہوئے ہیں لیکن مقامی انتظامیہ نے اس کی تصدیق نہیں کی ہے۔ایک عینی شاہد نے بی بی سی کو بتایا کہ گاڑیوں سے آنے والی چیخیں ‘ہولناک’ تھیں۔ٹیاونا پیج نے کہا کہ ‘جیسے ہی میں نے باہر دیکھا، ہر طرف گرد اڑ رہی تھی، مجھے معلوم ہوا کہ پل گر گیا ہے۔’ادھر وائٹ ہاس کی ترجمان سارہ سینڈرز نے کہا ہے کہ صدر ٹرمپ اس حادثے سے آگاہ ہیں اور قانون نافذ کرنے والے اداروں کو درکار معاون بھجوایں گے۔861 ٹن وزرنی پل کو گذشتہ ہفتے ہی نصب کیا گیا تھا۔طالب علموں کی درخواست کے بعد پیدل سڑک عبور کرنے والوں کے لیے نصب کیے گئے اس پل کے ذریعے یونیورسٹی اور ہوسٹل کو ایک دوسرے سے منسلک کیا گیا ہے۔فلوریڈا انٹرنیشنل یونیورسٹی کے طلبہ کو ہائی وے عبور کر کے ہوسٹل میں جانا پڑتا ہے۔ اس سے قبل اگست 2013 میں گاڑی کی ٹکر سے ایک طالبِ علم ہلاک بھی ہو گیا تھا۔پل بنانے والی تعمیراتی کمپنی نے اپنی ٹویٹ میں اس حادثے سے متاثر ہونے والوں سے ہمدردی کا اظہار کیا ہے۔کمپنی نے اپنی ٹویٹ میں کہا کہ ‘ہم اس بارے میں مکمل تحیقات کریں گے کہ غلطی کہاں ہوئی ہے۔’کیبل سے منسلک کیے گئے 174 فٹ طویل پل کا افتتاح 2019 میں ہونا تھا۔ اس کی تعمیر پر ایک کڑوڑ 42 لاکھ ڈالر لاگت آئی ہے۔

Translation

اداریہ

آج کی تصویر

مقبول ترین

Whatsapp نیوز سروس

Advertise Here

ضرورت نمائیندگان

روزنامہ جواب

ضرورت نمائیندگان

Coverage

Currency

WP Facebook Auto Publish Powered By : XYZScripts.com