We are committed to reporting the facts and in all situations avoid the use of emotive terms.

بریکنگ نیوز
english logo

پی ایس ایل فرنچائِز اور ٹی وی رائٹس کی میٹنگز ملتوی

پی ایس ایل فرنچائِز اور ٹی وی رائٹس کی میٹنگز ملتوی

لاہور(یو این این)پاکستان کرکٹ بورڈ نے اگلے ہفتے ہونے والی پی ایس ایل فرنچائِز اور ٹی وی رائٹس کی اہم میٹنگز ملتوی کردی ہیں۔پاکستان کرکٹ بورڈ نے آئندہ ہفتے ہونے والی پی ایس ایل فرنچائزز اور ٹی وی رائٹس کی اہم میٹنگز ملتوی کردی ہیں، اس حوالےسے قائم مقام چیئرمین پاکستان کرکٹ بورڈ جسٹس (ر) افضل حیدر کا کہنا ہے کہ پی سی ایل فرنچائزر کے ساتھ معاملات اور ٹی وی رائٹس کا معاملہ نو منتخب بورڈ سربراہ دیکھیں گے۔نئے چیئرمین کے انتخاب کے لیے الیکشن شیڈول اگلے ہفتے جاری ہوگا، جس کے بعد انتخابی اجلاس میں گورننگ بورڈ ممبران اور نئے پی سی بی چیف کا انتخاب ہوگا۔ پی سی بی کے پیٹرن انچیف وزیراعظم عمران خان کی جانب سے احسان مانی کی نامزدگی بورڈ کو موصول ہوچکی ہے، جبکہ مزید ایک نامزدگی کا انتظار ہے، جس کے بعد 10 رکنی گورننگ بورڈ مکمل ہوجائے گا۔دوسری جانب کرکٹ بورڈ کے ڈائریکٹرانٹرنیشنل کرکٹ ذاکر خان نے ایکسپریس نیوز سے بات کرتےہوئے کہا ہے کہ ورلڈکپ تک پاکستان نے مسلسل کرکٹ کھیلنی ہے، ستمبر میں ایشیا کپ کی تیاریوں کے لیے قومی ٹیم ایبٹ آباد میں تین چارروز گزارنے کے بعد لاہور میں شیڈول کیمپ میں اپنی خامیوں کو دور کرنے کی کوشش کرے گی، اس کے بعد آسٹریلیا اور نیوزی لینڈ کے خلاف سیریز ہیں۔ قلیل مدتی اور طویل مدتی پالیسوں کے تحت 2019 کے بڑے ایونٹ میں بہترین تیاریوں کے ساتھ قومی ٹیم کی شرکت اولین ترجیحات میں شامل ہے۔زاکر خان کا کہنا تھا کہ اس عہدے پر کام کا خاصا تجربہ ہے، اس لیے مسائل میرے لیے نئے نہیں، کوشش ہوگی کہ بہترین فیصلے کرکے ملکی کرکٹ کو مضبوط بنایاجاسکے، سینئرز کے ساتھ جونیئر ٹیموں پر بھی زیادہ توجہ دے کر نوجوان کرکٹرز کو سامنے لانا ہے۔ پیرکو ایک اجلاس بھی بلایا گیا ہے جس میں دوسرے شعبوں کے عہدیداروں سے بھی تبادلہ خیال ہوگا۔

Translation

اداریہ

آج کی تصویر

مقبول ترین

Whatsapp نیوز سروس

Advertise Here

ضرورت نمائیندگان

روزنامہ جواب

ضرورت نمائیندگان

Coverage

Currency

WP Facebook Auto Publish Powered By : XYZScripts.com