We are committed to reporting the facts and in all situations avoid the use of emotive terms.

بریکنگ نیوز
english logo

پی آئی اے انتظامیہ کی غفلت سے سنٹرل ایئرکنڈیشننگ سسٹم میں خرابی

پی آئی اے انتظامیہ کی غفلت سے سنٹرل ایئرکنڈیشننگ سسٹم میں خرابی

اسلام آباد(یو این این) قومی ایئر لائن کی اسلام آباد سے پیرس جانے والی پرواز کے سنٹرل ایئرکنڈیشننگ سسٹم میں خرابی پیدا ہونے کے سبب مسافر بلبلا اٹھے، حبس کی شدت سے نومولود بچہ بے ہوش ہوگیا۔ ذرائع کا کہنا ہے کہ پیرس ایئرپورٹ پرحبس اور گرمی سے مسافروں کی حالت خراب ہے، اور گرمی سے نڈھال ایک نومولود بچے کی والدہ ایئر لائن کے عملے سے الجھ رہی ہیں۔ اسلام آباد آنے والی پرواز پی کے 750 میں روانگی کے وقت اے سی سسٹم میں خرابی پیدا ہوگئی تھی ، جہاز کے دروازے بند کیے جاچکے تھے جس کے سبب طیارے میں شدید حبس اور گرمی سے مسافر بلبلا اٹھے۔ نومولودبچے کے بیہوش ہونے پر بچے کی ماں چیخنے چلانے لگی، خاتون کی جانب سے بار بار دروازہ کھلوانے کی درخواست کی گئی تاہم پی آئی اے کا عملہ تماشا دیکھتا رہا اور جہازکے دروازے نہیں کھولے گئے۔ ذرائع کا کہنا ہے کہ پرواز مجموعی طور پر 2 گھنٹے 40 منٹ تاخیر کا شکار رہی۔ طیارے میں مسافروں کے شور شرابہ کرنے پر کپتان نے اے ٹی سی سے ہنگامی بنیادوں پر اڑان بھرنے کی اجاز ت طلب کی، پیرس ایئرپورٹ سے موصول ہونے والی اطلاعات کے مطابق پی آئی اے کا طیارہ میلان سے پیرس تاخیرسے پہنچا تھا جس کی وجہ سے اس کو اسلام آباد اڑان بھرنے کی اجازت نہیں دی گئی تھی۔ یہ بھی کہا جارہا ہے کہ پیرس میں پی آئی اے کی انتظامیہ کی مبینہ غفلت کے باعث طیارے میں دو اے سی وین کے بجائے ایک اے سی وین لگائی گئی تھی جو کہ ناکافی تھی۔ پی آئی اے کی انتظامیہ نے میڈیا پر خبر نشر ہونے کے بعد واقعے کا نوٹس لے لیا ہے، فلائٹ سیفٹی ڈیپارٹمنٹ نے پرواز پی کے 750 کے عملے کو طلب کرکے واقعے کی تحقیقات شروع کردی ہیں۔

Translation

اداریہ

آج کی تصویر

مقبول ترین

Whatsapp نیوز سروس

Advertise Here

ضرورت نمائیندگان

روزنامہ جواب

ضرورت نمائیندگان

Coverage

Currency

WP Facebook Auto Publish Powered By : XYZScripts.com