We are committed to reporting the facts and in all situations avoid the use of emotive terms.

بریکنگ نیوز
english logo

منی لانڈرنگ سے متعلق تحقیقات کے لیے نیب نے میاں منشا کو طلب کرلیا

منی لانڈرنگ سے متعلق تحقیقات کے لیے نیب نے میاں منشا کو طلب کرلیا

لاہور(یو این این) منی لانڈرنگ سے متعلق تحقیقات کے لیے نیب نے آج میاں منشا کو صبح دس بجے طلب کرلیا، تین رکنی ٹیم تفتیش کرے گی۔ تفصیلات کے مطابق نیب لاہور کی جانب سے 3 رکنی ٹیم میاں منشا سے منی لانڈرنگ کی تحقیقات کرے گی، جس کے لیے انہیں آج صبح دس بجے طلب کیا گیا ہے۔ نیب حکام کے مطابق میاں منشا کو کہا گیا ہے کہ وہ 2010 میں لندن میں خریدے گئے ہوٹل کی تفصیلات مہیا کریں، جبکہ منی لانڈرنگ سے متعلق مزید پوچھ گچھ بھی کی جائے گی۔ درخواست گزار کا کہنا ہے کہ میاں منشا نے 95 ملین ڈالر سے برطانیہ میں ہوٹل خریدا، رقم غیر قانونی طور پر پاکستان سے برطانیہ منتقل کی گئی۔ خیال رہے کہ درخواست گزار گزشتہ ماہ نیب میں اپنا بیان ریکارڈ کرا چکے ہیں، جبکہ نیب منی لانڈرنگ کی تحقیقات سپریم کورٹ کے احکامات پر کررہی ہے۔ قبل ازیں نیب ذرائع نے گذشتہ ہفتے کہا تھا کہ میاں منشا کے خلاف پاکستان ورکر پارٹی کے فاروق سہلریا نے درخواست دی تھی، فاروق سہلریا کو الیکشن سیقبل طلب کرکے بیان ریکارڈ کرچکا ہے۔ ذرائع نے یہ بھی کہا تھا کہ میاں منشا نے 95 ملین ڈالر منی لانڈرنگ کے ذریعے برطانیہ منتقل کیے، ایم سی بی بینک، نشاط گروپ، ڈی جی خان سیمنٹ میاں منشا کی ملکیت ہیں جبکہ آدم جی انشورنس اور نشاط پاورکمپنیاں بھی میاں منشا کی ملکیت ہیں۔ خیال رہے میاں منشانواز شریف کے قریبی ساتھیوں میں شمار کیے جاتے ہیں۔

Translation

اداریہ

آج کی تصویر

مقبول ترین

Whatsapp نیوز سروس

Advertise Here

ضرورت نمائیندگان

روزنامہ جواب

ضرورت نمائیندگان

Coverage

Currency

WP Facebook Auto Publish Powered By : XYZScripts.com