We are committed to reporting the facts and in all situations avoid the use of emotive terms.

بریکنگ نیوز
english logo

لودھراں، چشتیاں اور رینالہ خورد میں گھروں کی تعمیر کے لیے انفراسٹرکچر مکمل ہے، محمود الرشید

لودھراں، چشتیاں اور رینالہ خورد میں گھروں کی تعمیر کے لیے انفراسٹرکچر مکمل ہے، محمود الرشید

سیالکوٹ میں 1600 کنال پر گھر بنانے کے لیے لے آؤٹ پلان مرتب کر لیا ہے، عملدرآمد آئندہ مرحلے میں کیا جائے گا
لاہور میں گھروں کی تعمیر کا حتمی فیصلہ جنوری میں ہو گا، پھاٹا بورڈ ممبرز کے 45 وین اجلاس سے صوبائی وزیرِ ہاؤسنگ کا خطاب
لاہور (یو این این )صوبائی وزیر ہاؤسنگ میاں محمود الرشید کی زیرِ صدارت پھاٹا (PHATA) بورڈ ممبرز کا 45 واں اجلاس پیر کے روز پنجاب ہاؤسنگ اینڈ ٹاؤن پلاننگ ایجنسی کے دفتر میں منعقد ہوا۔ اجلاس میں ڈی جی پھاٹا ضیاء الدین ستی کے ساتھ دیگر پھاٹا بورڈ ممبران، لوکل گورنمنٹ، سیکرٹری (کالونیز) بورڈ آف ریونیو، فنانس ڈیپارٹمنٹ، اربن یونٹ اور ہاؤسنگ ڈیپارٹمنٹ سے نمائندگان شریک ہوئے۔ اجلاس میں پھاٹا کی 43ویں اور 44ویں بورڈ میٹنگز میں کیے گئے فیصلوں کی منظوری کے ساتھ ساتھ کم قیمت گھروں کی تعمیر کے منصوبے زیرِ بحث آئے۔ اجلاس کے بعد میڈیا کے نمائندوں سے گفتگو کرتے ہوئے میاں محمود الرشید نے کہا لودھراں، چشتیاں اور رینالہ خورد میں گھروں کی تعمیر کے لیے انفراسٹرکچر سو فیصد مکمل ہے۔ ان شہروں میں لوگوں کو پلاٹس کی بجائے گھر بنا کر دینے کے فیصلے کی منظوری دی گئی ہے۔ اس مقصد کے لیے سب کمیٹی قائم کر دی گئی ہے جو آئندہ دس روز میں سفارشات پیش کرے گی۔ ایک کنال اور 7 مرلہ پلاٹس کو چھوٹے یونٹس میں تقسیم کیا جائے گا تا کہ زیادہ گھر بنائے جا سکیں۔ انہوں نے کہا کہ نئے شہر بنانے پر بھی کام ہو رہا ہے، لیکن فی الوقت مختلف شہروں کے ساتھ چھوٹی ہاؤسنگ سکیمیں بنانے پر توجہ ہے۔ نئے شہر بسانے کے لیے منظور احمد، ممبر ایجنسی، کی سربراہی میں سب کمیٹی بنائی گئی ہے جو تمام معاملات کا جائزہ لینے کے بعد دس روز میں اپنی تفصیلی رپورٹ پیش کرے گی۔ انہوں نے مزید بتایا کہ بورڈ اجلاس میں ملتان میں پھاٹا کے زیرِ انتظام مختلف اسکیموں کی کمرشلائزیشن پر غور کیا جا رہا ہے جس کے بارے میں فیصلہ تمام ممبران کی مشاورت سے کیا جائے گا۔ انہوں نے بتایا کہ لاہور میں 4 مختلف سائٹس پر گھروں کی تعمیر کے حوالے سے تجاویز زیرِ غور ہیں جن کے بارے میں حتمی فیصلہ جنوری میں متوقع ہے۔ علاوہ ازیں سیالکوٹ میں 1600 کنال پر گھر بنانے کے لیے نیسپاک نے لے آؤٹ پلان مرتب کر لیا ہے جس پر عملدرآمد آئندہ مرحلے میں کیا جائے گا۔ پبلک پرائیویٹ پارٹنرشپ سے متعلق ایک سوال کے جواب میں انہوں نے بتایا کہ صفیہ ہومز کی جانب سے 6000 کم قیمت گھروں کے منصوبے کو نیا پاکستان ہاؤسنگ سکیم میں شامل کیے جانے کی درخواست کا جائزہ لیا جا رہا ہے۔ میاں محمود الرشید نے بتایا کہ ماضی میں پھاٹا جیسے اہم ادارے کو نظر انداز کر کے اس کو کمزور کیا گیا۔ نیا پاکستان ہاؤسنگ سکیم کی کامیابی یقینی بنانے کے لیے پھاٹا کو مزید فعال بنایا جا رہا ہے۔ پہلے پھاٹا بورڈ کا اجلاس مہینوں کی تاخیر سے ہوتا تھا، اب ہر دو ہفتے میں جائزہ اجلاس ہو گا۔ مزید برآں پھاٹا گورننگ باڈی میں تکنیکی ماہرین کو شامل کریں گے تا کہ محکمہ کی استعداد کار میں اضافہ کیا جا سکے۔ گورننگ باڈی میں ردوبدل کا فیصلہ وزیرِ اعلیٰ پنجاب کی منظوری سے کیا جائے گا۔

Translation

اداریہ

آج کی تصویر

مقبول ترین

Whatsapp نیوز سروس

Advertise Here

ضرورت نمائیندگان

روزنامہ جواب

ضرورت نمائیندگان

Coverage

Currency

WP Facebook Auto Publish Powered By : XYZScripts.com