We are committed to reporting the facts and in all situations avoid the use of emotive terms.

بریکنگ نیوز
english logo

عمران خان کی جدوجہد کے ثمرات آج مل رہےہیں،محمود خان

عمران خان کی جدوجہد کے ثمرات آج مل رہےہیں،محمود خان

پشاور(یو این این)نومنتخب قائد ایوان محمود خان نے کہا کہ عمران خان کی جدوجہد کے ثمرات آج مل رہےہیں، ان کے وژن پر کسی قسم کا سمجھوتہ نہیں کیا جائے گا۔تفصیلات کے مطابق نومنتخب وزیراعلیٰ خیبرپختونخوا نے اجلاس سے خطاب کرتے ہوئے کہا انشااللہ سب کوساتھ لےکرچلیں گے، ہمیں اپوزیشن کے بھی سپورٹ کی ضرورت ہے، آج پھر کہتا ہوں اپوزیشن کوساتھ لے کر چلیں گے۔محمود خان نے اعلان کیا کہ میں سب سے پہلے اپنا حلقہ کھولنے کے لئے تیار ہوں، عوام نے مینڈیٹ دیا ہے، الیکشن کے نتائج کو تسلیم کیا جائے۔نومنتخب وزیراعلیٰ کے پی کا کہنا تھا کہ میرے لیے خوشی کا دن ہے، پارٹی قائد اور ساتھیوں کا شکر گزار ہوں، وزیراعلیٰ خیبرپختونخوا کے طور پر جو بھی کرسکتا ہوں، کروں گا۔انھوں نے کہا کہ عمران خان کی جدوجہد کے ثمرات آج مل رہےہیں، عمران خان کے وژن پر کسی قسم کا سمجھوتہ نہیں کیا جائے گا، انھوں نے جو اعلان کیے، ان پرمن وعن عمل کریں گے، حکومتی اور اپوزیشن ارکان کو منتخب ہونے پر مبارکباد دیتا ہوں۔خیال رہے پاکستان تحریک انصاف کے محمود خان وزیراعلیٰ کے پی بن گئے، رائے شماری میں محمود خان کو ستتر جبکہ اپوزیشن کے امیدوار میاں نثار گل کو تینتیس ووٹ ہی مل سکے۔یاد رہے چند روز قبل منتخب وزیراعلیٰ خیبرپختوںخواہ محمود خان نے بنی گالہ آمد پر میڈیا سے بات کرتے ہوئے کہا تھا کہ میں اللہ کے بعد عمران خان کا شکر گزار ہوں ، انھوں نے مجھ پر اعتماد کرکے عہدے کے لئے نامزد کیا۔محمود خان کا کہنا تھا کہ پارٹی میں کوئی اختلاف نہیں،وزیراعلیٰ کوئی ایک بن سکتاہے، وزارت اعلیٰ کی دوڑ میں شامل تمام افراد میرے بھائی ہیں، سب ارکان اسمبلی کو ساتھ لے کر چلوں گا۔

Translation

اداریہ

آج کی تصویر

مقبول ترین

Whatsapp نیوز سروس

Advertise Here

ضرورت نمائیندگان

روزنامہ جواب

ضرورت نمائیندگان

Coverage

Currency

WP Facebook Auto Publish Powered By : XYZScripts.com