We are committed to reporting the facts and in all situations avoid the use of emotive terms.

بریکنگ نیوز
english logo

سابق حکومت کی کرپشن کے باعث حکومت کو لڑکھڑاتی معیشت ورثے میں ملی، گورنر

سابق حکومت کی کرپشن کے باعث حکومت کو لڑکھڑاتی معیشت ورثے میں ملی، گورنر

اب فیصلے لاہور میں نہیں ہونگے بلکہ بلدیاتی نمائندے اپنے اپنے علاقوں کے فیصلے خود کریں گے
پاکستان کو آگے لے جانا ہے تو ہمیں قانون و انصاف کی عمل داری کو یقینی بنانا ہوگاوفود سے بات چیت

لاہور(یو این این )گورنر پنجاب چوہدری محمد سرور نے کہا ہے کہ سابق حکومت کے غلط فیصلوں ، ڈنگ ٹپاؤ پالیسیوں اور کرپشن کی وجہ سے ہماری حکومت کو لڑکھڑاتی ہوئی معیشت ورثے میں ملی ہے اور معیشت کے پہیے کو دوبارہ پٹری پر لانے کے لئے بلا شبہ تھوڑا وقت درکار ہے ۔ انشاء اللہ وزیر اعظم پاکستان عمران خان کی قیادت میں عوام کو بہت جلد اس مشکل وقت سے نجات مل جائے گی ۔ بدقسمتی سے ماضی میں جو بھی حکومت آئی اس نے لانگ ٹرم پالیسیاں مرتب کرنے کی بجائے ایڈہاک ازم پر کام کیا ۔ پی ٹی آئی کی حکومت نوجوانوں کی سپورٹ سے برسراقتدار آئی ہے اور حکومت ان کے مسائل ترجیحی بنیادوں پر حل کرے گی ۔ان خیالات کا اظہار اُنہوں نے جمعہ کے روز گورنر ہاؤس لاہورمیں نیشنل کالج آف بزنس ایڈمنسٹریشن اینڈاکنامکس کے طلباء و طالبات کے وفد سے ملاقات کے دوران کیا جنہوں نے نازیہ علی گیلانی کی قیادت میں اِن سے ملاقات کی ۔ اس موقع پر سینئر صوبائی وزیر عبدالعلیم خان ، بیگم گورنر پنجاب پروین سرور ، ڈائریکٹر سٹوڈنٹس آفیئرز میڈم ر وزی رضوی بھی موجود تھیں ۔گورنر پنجاب نے کہا کہ پی ٹی آئی کھوکھلے نعروں اور جھوٹے وعدوں پر یقین نہیں رکھتی بلکہ بانی پاکستان قائد اعظم محمد علی جناح ؒ کے فرمان عمل کو اپنا نصب العین بنائے ہوئے ہے ۔ اُنہوں نے کہا کہ حکومت اختیارات کی مرکزیت کی بجائے اختیارات کی نچلی سطح پر منتقلی پر یقین رکھتی ہے اور یہی وجہ ہے کہ بلدیاتی نظام میں تبدیلیاں لائی جا رہی ہیں ۔گورنر نے کہا کہ اب فیصلے لاہور میں نہیں ہونگے بلکہ بلدیاتی نمائندے اپنے اپنے علاقوں کے فیصلے خود کریں گے ۔ ترقیاتی فنڈ کا 30 فیصد بجٹ ویلیج کونسل کو دیا جائے گا۔ اُنہوں نے کہا کہ بد قسمتی سے 22 ملین بچے سکولوں سے باہر ہیں جو مختلف فیکٹریوں ، دکانوں اور گھروں میں کام کرتے ہیں ان بچوں کو سکولوں میں لانے کے لئے جامع پالیسی تیار کی جا رہی ہے ۔گورنرنے کہا کہ حکومت نے ٹیکسٹائل ملز کے لئے گیس کے یکساں نرخ مقرر کئے ہیں جس سے ٹیکسٹائل سیکٹر میں نئی جان پیدا ہوگی۔اُنہوں نے کہا کہ اِس شعبے کی ترقی سے برآمدات میں اضافہ ہونے کے ساتھ ساتھ روزگار کے نئے مواقع بھی پیدا ہوں گے ۔ بعد ازاں، گورنر پنجاب چوہدری محمد سرور سے صدر ڈسٹرکٹ بار ایسوسی ایشن فیصل آباد امجد حسین ملک کی سربراہی میں وکلاء برادری کے آٹھ رُکنی وفد نے گورنر ہاؤس میں ملاقات کی۔ گورنر پنجاب نے کہا کہ قانون اور انصاف کی عمل داری کویقینی بنانے کے لئے وکلاء برادری کا کردار کلیدی حیثیت رکھتا ہے۔ اُنہوں نے کہا کہ عام آدمی کو انصاف کی فراہمی کے لئے وکلاء برادری کو اپنا بھر پور کردار ادا کرنا چاہئے۔ اُنہوں نے کہا کہ انصاف کے لئے دَر دَر کی ٹھوکریں کھانے والے مظلوم افراد کا اللہ کے بعد اگر کوئی سہارا ہے تو وہ وکلاہیں۔ اُنہوں نے کہا کہ کوئی بھی معاشرہ عدل و انصاف کے بغیر ترقی نہیں کرسکتا۔ اُنہوں نے کہا کہ پاکستان کو آگے لے جانا ہے تو ہمیں قانون و انصاف کی عمل داری کو یقینی بنانا ہوگا۔اس موقع پر وکلاء برادری نے گورنر پنجاب کو اِنہیں درپیش مختلف مسائل سے آگاہ کیا۔ گورنر پنجاب نے وکلاء کو یقین دلایا کہ اِن کے مسائل کے حل کے لئے ہر ممکن اقدامات کئے جائیں گے۔

Translation

اداریہ

آج کی تصویر

مقبول ترین

Whatsapp نیوز سروس

Advertise Here

ضرورت نمائیندگان

روزنامہ جواب

ضرورت نمائیندگان

Coverage

Currency

WP Facebook Auto Publish Powered By : XYZScripts.com