We are committed to reporting the facts and in all situations avoid the use of emotive terms.

بریکنگ نیوز
english logo

حکومت پنجاب کا جرات مندانہ اقدام، بسنت کا روائتی تہوار بحال کرنے کا اصولی فیصلہ

حکومت پنجاب کا جرات مندانہ اقدام، بسنت کا روائتی تہوار بحال کرنے کا اصولی فیصلہ

لاہور میں بسنت طویل پابندی کے بعد فروری کے دوسرے ہفتے میں منائی جائے گی ، صو بائی وزیر اطلاعات و ثقافت فیاض الحسن چوہان
لاہور (یو این این) صوبائی وزیر اطلاعات و ثقافت فیاض الحسن چوہان نے کہا ہے کہ بسنت ایک ایسا تہوار ہے جو پنجاب کی ثقا فت کا آیئنہ دار ہے۔ گزشتہ کئی سالوں سے اس میں منفی رجحانات کی بنا پر پابندی عائد کر دی گئی تھی مگر آج سردار عثمان بزدار صاحب کی قیادت میں منعقدہ میٹنگ میں اس با ت کا اصولی فیصلہ کیا گیا ہے کہ آنے والے فروری کے دوسرے ہفتے میں لاہور میں بسنت کا تہوارمنایا جائے گا۔ ان خیالات کا اظہار صوبائی وزیر اطلاعات و ثقافت فیاض الحسن چوہان نے منگل کے روز الحمرا آرٹس کونسل میں بسنت کے حوالے سے ایک پر ہجوم پریس کانفرنس سے خطاب کرتے ہوئے کیا۔ اس موقع پر صوبائی سیکرٹری اطلاعات و ثقافت بلال احمد بٹ، ایگزیکٹو ڈائریکٹر الحمرا آرٹس کونسل اطہر علی خان اور ایڈیشنل سیکرٹری ثقافت اختر عباس بھی موجود تھے۔ فیاض الحسن چوہان کا کہنا تھا کہ بسنت کا تہوار خالصتا ایک ثقافتی، معاشرتی اور روایتی تہوار ہے۔ اسے قطعا کسی خاص مذہب سے جوڑنا درست نہیں ہے۔ انہوں نے کہا کہ بسنت کے تہوار کو شایان شان طریقے سے منانے اور اس تہوار سے جڑے تمام مضمرات کا جائزہ لینے کے لیے ایک آٹھ رکن کمیٹی تشکیل دے دی گئی ہے۔ جس میں وزیر قانون اور پارلیمانی امور راجہ بشارت، وزیر اطلاعات و ثقافت فیاض الحسن چوہان، آئی جی پنجاب، سیکرٹری اطلاعات و ثقافت سمیت سول سوسائٹی اور میڈیا کے نمائندہ ارکان شامل ہیں۔ یہ کمیٹی تمام امور کا بغور جائزہ لینے کے بعد اپنی سفارشات وزیر اعلیٰ پنجاب کو آٹھ دن کے اندر پیش کرے گی۔ اور ان سفارشات کی روشنی میں وزیر اعلیٰ پنجاب اس تہوار کو منانے کی حتمی منظوری دیں گے۔اسی اثنا میں وزیر اطلاعات نے اس امر پر خوشی اور اطمینان کا اظہار کیا کہ برٹش ائیرویز نے ایک طویل عرصہ کی بندش کے بعد پاکستان میں اپنے فلائٹ آپریشن کو بحال کرنے کا اعلان کیا ہے جو کہ وزیر اعظم پاکستان عمران خان کی قیادت اور پالیسیوں پر اعتماد کا مظہر ہے اور اس بات کی روشن دلیل ہے کہ وطن عزیز امن و امان اور اندرونی استحکام کی راہ پر گامزن ہو چکا ہے۔مزید برآں وزیر اطلاعات نے مسلم لیگ ن کے سینیٹر مشاہد اللہ خان کے غیرذمہ دارانہ بیان پر افسوس کا اظہار کیا کہ وہ کس قدر حالات سے بے خبر ہیں کہ کے پی کے میں پی ٹی آئی کی حکومت کی شاندار کارکردگی کے نتیجے میں صوبہ میں سبز انقلاب برپا کیا گیا ہے جسے اندرون ملک و بیرون ملک ہر سطح پر سراہا گیا ہے۔ بلین ٹری پراجیکٹ ایک ایسا منصوبہ ہے جسے اقوام متحدہ سمیت تمام عالمی اداروں نے سراہا ہے۔

Translation

اداریہ

آج کی تصویر

مقبول ترین

Whatsapp نیوز سروس

Advertise Here

ضرورت نمائیندگان

روزنامہ جواب

ضرورت نمائیندگان

Coverage

Currency

WP Facebook Auto Publish Powered By : XYZScripts.com