We are committed to reporting the facts and in all situations avoid the use of emotive terms.

بریکنگ نیوز
english logo

انڈونیشیا میں زلزلے کے نتیجے میں82 افراد ہلاک ، سینکڑوں زخمی

انڈونیشیا میں زلزلے کے نتیجے میں82 افراد ہلاک ، سینکڑوں زخمی

جکارتا(یو این این)انڈونیشیا کے سیاحتی جزیرے لومبوک میں زلزلے کے نتیجے میں حکام کے مطابق کم از کم 82 افراد ہلاک اور سینکڑوں زخمی ہو گئے ہیں۔ حکام کے مطابق زلزلے کی شدت ریکٹر سکیل پر سات اعشاریہ ایک ریکارڈ کی گئی ہے اور اس کی گہرائی دس کلومیٹر تھی۔ زلزلے کے نتیجے میں عمارتوں کو نقصان پہنچا ہے اور سیکنڑوں افراد زخمی ہوئے ہیں۔ حکام کا کہنا ہے کہ زلزلے سے متاثرہ علاقوں میں بجلی کا نظام ناکارہ ہونے اور تاریکی کی وجہ سے امدادی کارروائیوں میں مشکلات کا سامنا ہے جبکہ بڑی تعداد میں لوگ کھلے عام آسمان تلے رات گزار رہے ہیں۔ زلزلے کے جھٹکے لومبوک سے متصل سیاحت کے لیے معروف جزیرے بالی میں بھی محسوس کیے گئے ہیں جہاں لوگ خوبصورت ساحل سمندر اور ہائیکنگ کے لیے دنیا بھر سے آتے ہیں۔ اتوار کو آنے والے زلزلے کے بعد سونامی کی وراننگ جاری کی گئی تھی لیکن اسے چند گھنٹوں کے بعد واپس لے لیا گیا تاہم اب بھی حکام نے لوگوں کو خبردار کیا ہے کہ وہ ساحلی علاقے سے دور رہیں۔ انڈونیشیا میں امدادی کارروائیوں کے ادارے کے ایک ترجمان نے بتایا کہ زلزلے کے نتیجے میں لومبوک کے مرکزی شہر ماترم میں بڑی تعداد میں عمارتوں کو نقصان پہنچا ہے۔ زلزلے کے جھٹکے محسوس ہونے پر رہائشی افراتفری میں عمارتوں سے باہر نکل آئے اور اب ماترم کے بڑے علاقے میں بجلی کا نظام متاثر ہوا ہے۔ زخمی کو ہسپتال منتقل کیا جا رہا ہے جبکہ ڈاکٹرز سڑکوں پر بھی زخمیوں کو ابتدائی طبی امداد فراہم کر رہے ہیں۔ بالی میں زلزلے کے جھٹکے کئی سکینڈز تک محسوس کیے گئے اور لوگ عمارتوں سے باہر نکل آئے۔ بالی میں آسٹریلیا کے ایک سیاح مائیکل لینڈسی نے بتایا کہ زلزلے کے جھٹکے محسوس ہونے پر ہوٹل سے لوگ افراتفری میں باہر نکل گئے۔ انھوں نے بتایا کہ سڑکیں لوگوں سے بھری ہوئی تھیں۔ خیال رہے کہ انڈونیشیا میں زلزلے کا زیادہ خطرہ رہتا ہے کیونکہ یہ ملک ‘رنگ آف فائر’ یعنی مسلسل زلزلے اور آتش فشاں کے دھماکوں کے علاقے میں آباد ہے۔ اس قطار میں پیسفک سمندر کا تقریباً مکمل حصہ شامل ہے۔ دنیا کے نصف سے زیادہ زمین کے باہر فعال آتش فشاں اسی رنگ آف فائر کا حصہ ہیں۔ سنہ 2016 میں، سماترا جزیرے کے شمال مشرقی ساحل پر 6.5 کی شدت کا زلزلہ آیا تھا تھا جس میں درجنوں افراد ہلاک اور 40،000 سے زائد افراد بے گھر ہو گئے تھے۔

Translation

اداریہ

آج کی تصویر

مقبول ترین

Whatsapp نیوز سروس

Advertise Here

ضرورت نمائیندگان

روزنامہ جواب

ضرورت نمائیندگان

Coverage

Currency

WP Facebook Auto Publish Powered By : XYZScripts.com